Ritstjórinn les skjalið, samræmir uppsetningu þess og merkir það sem þarf að strika út: nöfn, kennitölur, dagsetningar og staðbundin heiti sem auðvelt er að líta framhjá. Vinna sem tók klukkustundir tekur mínútur.
Aðgangur er boðsbundinn og hver stofnun vinnur á sínu eigin svæði.
Kynning
Leiðin í gegnum kerfið frá upphafi til enda: innhleðsla, sjálfvirk greining, útstrikun í ritlinum og birting.
Verkferlið
Sama leiðin fyrir hvern úrskurð, í hvert sinn. Veldu skref til að sjá hvað gerist í því.
Hreyfimynd af táknrænu skjali: línur af ólæsilegum texta birtast, leitarlína fer yfir skjalið og merkir auðkenni með gulu, og loks eru þau strikuð út og [...] kemur í staðinn. Skjalið er táknrænt og enginn texti í því er raunverulegur.
Viðbótarvirkni
Sérsmíðuð virkni er hönnuð fyrir verklag hvers teymis og er ekki sjálfgefið aðgengileg öðrum teymum. Landaupplýsingar fyrir KNU eru fyrsta dæmið: kaflar um aðstæður í upprunalandi eru dregnir sjálfkrafa saman úr birtum úrskurðum og gerðir aðgengilegir teyminu til notkunar í öðrum málum.
Öryggi
Ritstjórinn er ekki almennt skrifstofuverkfæri. Hann er ætlaður til að aðstoða við örugga birtingu á úrskurðum, dómum og öðrum skjölum án þess að persónugreinanleg gögn fylgi með.
Gögn hvers teymis eru einungis aðgengileg því teymi. Aðgangsstýringu er framfylgt í mörgum kerfislögum, í þjónustu og viðmóti sjálfu og í gagnagrunninum.
Hver aðgerð er skráð með notanda, tíma og skjali: hver hlóð inn, hver strikaði út hvað og hver merkti úrskurð birtan. Teymisstjórar hafa fullan aðgang að notkunarsögu og geta svarað spurningum sem til þeirra berast sjálfir án viðbótarkostnaðar.
Öll gögn stofnunarinnar má sækja með einum smelli, hvenær sem er og án aðkomu okkar. Engin binding er við kerfið: stofnunin getur sótt gögnin sín og fært sig í annað kerfi án viðbótarkostnaðar.
Bæði liggja fyrir: vinnslusamningur og mat á áhrifum á persónuvernd. Þau eru send stofnunum sem eru að meta lausnina, sé eftir því leitað.
Lausnin er í boði fyrir stjórnsýslu, dómsýslu og löggæslu samkvæmt þjónustusamningi. Það er engin sjálfsskráning: stofnunin fær lið í kerfinu og sendir sjálf boð á sitt starfsfólk. Hafðu samband ef stofnunin þín vill fá aðgang.