Lagalegur fyrirvari

Hugbúnaðarlausnin Ritstjórinn og vefsíðan sem hýsir hana eru í eigu og umsjá K65 ehf., kt. 630322-1030, Kambasel 65, 109 Reykjavík. Með notkun á Ritstjóranum samþykkir notandi þennan lagalega fyrirvara ásamt notkunarskilmálum og persónuverndarstefnu lausnarinnar.

Ritstjórinn er hjálpartæki sem aðstoðar starfsmenn opinberra stofnana við að bera kennsl á persónugreinanlegar upplýsingar í úrskurðum og merkja þær til afmáunar. Lausnin tekur ekki ákvarðanir í þágu notanda og birtir engin gögn opinberlega. Tillögur með hæstu vissu opnast þegar samþykktar í ritlinum, en notandi getur hafnað þeim, og engin afmáun verður endanleg fyrr en notandi vistar úrskurðinn.

Sjálfvirk greining persónugreinanlegra gagna í Ritstjóranum byggir á föstum reglubundnum mynstrum (reglulegum segðum fyrir kennitölur og formföstum orðasamböndum úr sniðmáti úrskurðanna). Til viðbótar má virkja valfrjálsa gervigreindargreiningu (Anthropic), sem er óvirk þar til hún er virkjuð fyrir viðkomandi stofnun, sem stingur upp á frekari tilvikum til yfirferðar; hún kemur ekki í stað mannlegrar yfirferðar.

Þrátt fyrir að K65 leggi sig fram um nákvæmni geta eftirfarandi tegundir frávika komið fyrir:

1. Ógreind tilvik persónugreinanlegra gagna: Greiningin getur sleppt nöfnum, fæðingardögum eða staðanöfnum sem fylgja óvenjulegri framsetningu. Notanda ber að yfirfara hverja málsgrein.
2. Rangar tillögur: Greiningin getur gefið tillögur sem eiga ekki við um persónugreinanlegar upplýsingar (t.d. nöfn lögaðila eða staðaheiti sem vísa til réttarheimilda frekar en málsaðila). Notandi getur hafnað slíkum tillögum.
3. Greiningin er bundin við úrskurðarsniðmátið: Sjálfvirka greiningin er hönnuð utan um uppbyggingu þeirra úrskurða sem stofnunin birtir. Víki skjal frá því sniði, eða séu upplýsingar settar fram í óvenjulegu samhengi, ná föstu reglurnar ekki til þeirra. Slík tilvik koma þá aðeins fram með valfrjálsu gervigreindargreiningunni eða við yfirferð starfsmanns.

Endanleg ábyrgð á því að allar persónugreinanlegar upplýsingar séu afmáðar úr úrskurði áður en hann er birtur liggur hjá notandanum og þeirri stofnun sem birtir úrskurðinn. K65 ábyrgist hvorki að öll tilvik finnist né að engar rangar tillögur séu gerðar af sjálfvirku greiningunni.

Allt efni á vefsíðunni og í hugbúnaðarlausninni, þ.m.t. texti, hönnun, viðmót, reiknirit, regluverk og undirliggjandi tækni, er eign K65 ehf. og nýtur verndar höfundarréttar og verndar sem viðskiptaleyndarmál. Endurbirting í heild eða hluta er óheimil án skriflegs leyfis K65 ehf.

Úrskurðir og annað efni sem stofnunin hleður upp í Ritstjórann eru eign viðkomandi stofnunar og falla ekki undir þennan höfundaréttarfyrirvara. Sama gildir um það efni sem verður til úr þeim úrskurðum í lausninni: ritstýrðan texta, HTML-úttak, samantektir úrskurða og landaupplýsingafærslur.

Þau gögn sem unnin eru í tengslum við notkun á Ritstjóranum eru meðhöndluð í samræmi við lög nr. 90/2018 um persónuvernd og vinnslu persónuupplýsinga og reglugerð (ESB) 2016/679 (GDPR). Nánari upplýsingar er að finna í persónuverndarstefnu, vinnslusamningssniðmáti og mati á áhrifum á persónuvernd Ritstjórans.

Ritstjórinn getur birt tilvísanir eða tengla á vefsíður þriðju aðila (t.d. þegar úrskurður vísar í lög eða reglugerðir á althingi.is). K65 ehf. ber ekki ábyrgð á efni, virkni eða áreiðanleika slíkra ytri vefsíðna.

Ábyrgð K65 ehf. á tjóni sem kann að hljótast af notkun á Ritstjóranum, eða af skorti á aðgengi að honum, er takmörkuð eins og nánar greinir í notkunarskilmálum. Þetta á meðal annars við um:

• Ógreindar eða rangar tillögur sjálfvirkrar greiningar persónugreinanlegra gagna
• Ákvarðanir eða aðgerðir sem byggjast á niðurstöðum Ritstjórans
• Birtingu úrskurðar sem inniheldur enn persónugreinanlegar upplýsingar
• Truflanir eða stöðvun á þjónustu
• Tæknilegar bilanir eða öryggisbresti hjá þriðju aðilum

Þessi ábyrgðartakmörkun gildir að því marki sem lög leyfa. Nánari ábyrgðartakmarkanir koma fram í notkunarskilmálum.

Takmarkanirnar gilda ekki um saknæmt brot eða stórfellt gáleysi K65 ehf., né um brot á þagnarskyldu eða öryggisskyldum.

Þessi lagalegi fyrirvari og öll ágreiningsmál sem upp kunna að koma í tengslum við hann lúta íslenskum lögum. Rísi mál vegna fyrirvarans skal það rekið fyrir Héraðsdómi Reykjavíkur.